我老豆白內障越來越嚴重，今日去眼科醫院複診，但今次我要返工陪唔到佢。
複診後佢即刻send個whatsapp俾我：
「今日好令人失望。醫生只係見咗我唔夠2分鐘。
佢好冇耐性，根本唔想聽我講有咩唔舒服，只係叫我三個月後再複診。
我唔怪佢。對於一個冇heart嘅醫生，我不抱任何期望。
希望你繼續努力。」
...
聽完之後，個心有點唔舒服。唔止係因為老豆唔開心；而係我反思，可能我都多次坐過那位醫生個位，比人一種「好求其、好冇耐性」嘅經歷。
跟住我去諗，可能係制度問題，資源缺乏下要「衝症」，衝完症又要去做其他臨床工作，邊可能個個都詳細睇又傾吓計？。又有好多病人無理要求，期望過高，又將啲腳痛10年手指麻痹5個月一一盡訴，邊可能時刻都保持關懷，耐性同愛心？有啲人會話，態度只係其次，最緊要係處理到個病，有對症下藥同唔好出錯？係理由，定係藉口？
值得借鏡反思。
Search